ZORIONAK KUKULLAGA ETA ZARAUTZ ESKUBALOIA!!!
JUBENIL AZKEN FASEEK MAILA HANDIA ETA LEHIA HANDIA UZTI DUTE
Euskadiko gazte mailako azken faseek asteburu bikaina utzi dute, emakumezkoetan zein gizonezkoetan ikusitako maila altuarekin. Lau talde onenen arteko lehia estuak, partida parekatuak eta une askotan xehetasun txikiek erabakitako neurketak bizi izan dira, argi utziz gure eskubaloiak oraina eta etorkizuna dituela.
Emakumezkoetan, Kukullagaren izaera lehiakorra berriro agerian
Gazte mailako emakumezkoen azken fasean, lau taldeek txapelketa bikaina osatu dute. Partida guztietan ikusi da berdintasuna, intentsitatea eta lehiatzeko gaitasun handia. Maila orokorra oso altua izan da, eta kantxan ikusitakoak erakutsi du zein sendo datorren belaunaldi berria.
Testuinguru horretan, BM Kukullaga Etxebarri izan da txapelduna, beste behin ere bere izaera lehiakorra eta une garrantzitsuetan aurrera egiteko duen gaitasuna erakutsiz. Bigarren postuan Egui Errotabarri Juvenil sailkatu da, hirugarren Dhemen Orio Zipri Eragin eta laugarren Gran Camping Zarautz ZKE.
Gizonezkoetan, Zarautzek txapelketa handia biribildu du
Gazte mailako gizonezkoen azken faseak ere emozioz beteriko asteburua eskaini du. Berdinketa ugari, neurketa estuak eta lehia handiko partidak izan dira, eta berdintasuna izan da txapelketaren ezaugarri nagusietako bat.
Talde guztiek maila bikaina eman dute, baina bereziki azpimarratzekoa izan da Zarautz Eskubaloia taldearen txapelketa. Lehen partidan egoera zail bati aurre egin ondoren, taldeak altxatzen jakin zuen, eta hortik aurrera nortasun handiz, sendotasunez eta benetako izaera lehiakorrarekin aritu zen amaierara arte. Azken sailkapena honela geratu da: Zarautz Eskubaloia lehen, Bidasoa Eskubaloia bigarren, Tolosa Eskubaloia hirugarren eta Balonmano Barakaldo laugarren.
Zorionak guztiei
Euskal Eskubaloi Federaziotik zorionak eman nahi dizkiegu azken faseetan parte hartu duten klub, jokalari, talde tekniko eta antolakuntzako pertsona guztiei. Txapelketa hauek berriro ere erakutsi dute Euskadiko eskubaloiaren oinarria sendoa dela, talentua badagoela eta etorkizuna itxaropentsua dela.
Era berean, zorterik onena opa diegu Espainiako Txapelketako faseetara sailkatu diren taldeei. Ziur gaude maila handian lehiatuko dutela eta oso urrun iritsiko direla.
